Tips & Tricks for Unique Trainers
نصائح للمدرب المتميز :
فى التدريب انت مسئول مش بس على انك تعلم وتكسب مهارات لأ ..انت كمان مسئول عن انك تحبب المشاركين فى التعلم ..لانك ممكن تكون بداية ليهم على الطريق ..ممكن تكون اول حديفتح لهم باب النور فى علم او فى تخصص ما ..ويا تحببعم وتشجعهم يكملوا فيه …ياما تقفلهم منه وتخليهم حاسيين انهم مش هيقدروا يكملوا او يتعلموا فى المجال ده .
وعشان تكون مدرب مؤثر …لازم تكون نفسك ومتتحطش فى اى قالب تقليدى شوفته او سمعت عنه لأى مدرب ….
لازم تكون عارف انك لما تكون حقيقى ..وتكون نفسك وقتها بس هتعرف تؤثر وهتعرف تعمل Engagement للناس فى الكورس بتاعك…تخلى التعلم تجربة ممتعه وتخلى التطبيق واقعى مؤثر ويسيب بصمه صعب تتنسى …وتخلى القرار بان كل مشارك معاك يطلع يطبق وينفذ الى المعلومات والمهارات الى اكتسبها موضوع أكيد مفيهوش إحتمالات .
وطبعا لما بقول لاى حد داخل فى مجال التدريب كده …بيقولى إزاى يعنى ..يعنى انا اركز فى التحضير ولا فى انى اجتذب عقول المشاركين وتركيزهم….لازم الاتنين ..
وفى وسط حواديت التدريب الكتير ..دايما فى كل كورس هتلاقى المشارك الى نفسه يركز ومش عارف نتيجه ان المدرب مش عارف يبنى بينه وبينه جسر عقلى …
الجسر العقلى ..هو جسر من التفهم والثقة والمصداقية …بيبنى من خلال اسلوب المدرب فى التعامل مع المشاركين …
أهمية الجسر ده انك تقدر تمرر منه النملة وتقدر برضه تمرر منه الفيل …
ايوى الفيل …يعنى لو انت اصلا بنيت جسر عقلى بينك وبين الحضور ..سهل انك تمرر من خلاله معلومات كتير عادية ..
وكمان ممكن تمرر من خلاله المعلومات الصعبه العميقه الى بتحتاج تحليل وفهم …وتغيير ومعتقدات .. ودى بتحتاج سلاسه وفهم وجسر مفتوح مبنى على الثقة والمصداقية .
4 نصائح مهمه للمدرب :
- خليك واقعى
- خليك ذكى
- خلي حضورك عالى
- خليك كريم Be a Giver