نوت بوك المدرب … The Trainer Notebook
لكل مدرب فى الدنيا نوت بوك ….والنوت بوك دي هي الصاحب الجدع الى بيسند فى وقت الزنقه …

ياترى النوت بوك بتاعت المدرب متقسمه إزاى ؟؟؟؟؟
يا ترى ايه أهم الحاجات الى المدرب بيكتبها فيها ؟؟ ..

النوت بوك دى ليها قصه جميله اوى حصلت قدامى وعشتها قبل كده ..

مره كنت رايحه اعمل انترفيو فى شركه “اورانج ” عشان اشتغل معاهم فى فريق المدربين الخاص بيهم فى مشروع كبير Staff raising performance … كنت لسه صغيره وفى بدايه طريقى …

وانا قاعده مستنيه اعمل انترفيو ..قابلت د.احمد راغب واحد من المدربين المشهورين… كان بردوا جاى يعمل انترفيو… ابتديت اقلق طبعا لانى لسه بنت امبارح وهو من الفطاحل والناس الى عندهم خبره جباره فى التدريب …

فقعد …و اول ما قعد سأل السكرتيره هو انا هدخل امته قالت له بعد 10 دقائق ..فلقيته راح مطلع من شنطته نوت بوك شكلها جميل اوى ومتقسمه 5 أجزاء ..وأبتدا يقرأ منها ….وبعدين كتب شوية حاجات فى جدول فى الجزء الاول برضه …✍️
وبعدين دخل فى الجزء الثانى …وبدأ يكتب حاجات …
وبعدين الجزء الثالث بدأ يقرأ فيه حاجات واطلع مقلمه فيها اقلام و الوان كتير وبدأ يرسم وهو مبسوط وده شدنى اكتر ….
وجه ميعادى دخلت وبعدى ب5 دقائق لقيته دخل وحضر معايا جزء من الانترفيو ..الجميل بقه انى اتعرفت عليه ولقيته بيقولى انا شايفك كنت متابعانى وعاوزه تعرفى ايه البلوك نوت الى فى ايدى دى..👀.

دى اعظم ادوات المدرب ….🎨
فبدأت انبهر جدا وبدات عنيه توسع واستعد بقه انى اتلقى اعظم الدروس فى التدريب من مدرب خبرة ومتميز جدا …

🗣️قالى :” النوت بوك دى متقسمه 5 اقسام وهما اهم 5 اقسام محتاجهم المدرب …
1- الجزء الاول : Ideas 💡💡💡
2- الجزء الثانى : Planning …✍️
3- الجزءالثالث : Training needs
4- الجزء الرابع : The Unique content 🧠
5- الجزء الخامس Evaluation 📋

فطبعا انا من كتر انبهارى متكلمتش …كنت مستنيه يكمل ….وبدأ يشرح اكتر

💡الجزء الاول: Ideas
فى الجزء ده بيفكر المدرب مع نفسه على الورق بصوت عالى ..
ولان الافكار غاليه وهى الكنز المدرب الحقيقى اللى بجد جواه بصمه عقله.فمهمه المدرب انه يصون الكنز ويحترمه …وعشان كده لازم يسجل افكاره الى بتجيله والى ممكن تساعده فى التدريب .
وطبعا انا سألت السؤال المتوقع : اى افكار؟؟؟؟
فرد قالى من اساسيات التفكير الابداعى انك متحاولش توقفى سيل وتدفق الافكار …🧠
يعنى اى فكره فى اى سياق اممكن تفيدنى فى التدريب ..اكتب علطول بدون ترتيب وبعدين اشوف الافكار دى اخر كل يوم ايه منها ممكن يفيدنى فى التدريب .

📋الجزء الثانى : البلانر او الجزئ الى بيقوم فيه بالتخطيط ..
طبعا اول ما قال كده انا قلت انا فاهمه ده الجزء الى بتخطط فيه اجنده الكورسات بتاعتك ….وكان الرد انه لأ ..ده المكان الى بخطط فيه عاداتى اليوميه وبحط فيه اهم ال Daily tasks وليه لان نصف نجاح المدرب هو ترتيبه لحياته …
انك يكون عندك اوقات محدده فى اليوم انك تعمل فيها كل الانشطه الى محتاج تقوم بيها عشان تقرأ وتطلع وتعمل بحث وتكتب وتحضر وتصمم ادوات تدريبية ..
يعنى وقت محدد تقدر تضمن ان كل الانشطه الى بيحتاج المدرب انه يقوم بيها لضمان نجاح التدريب ..قد تمت فعلا واصبحت عادة …بمواعيد …يعنى كل يوم فى نفس الميعاد بيتم عمل الانشطة دى …
والجميل انه لقيته مصمم نتيجه يوميه لمختلف مهام التدريب …ومسميها “مطبخ التدريب ” هنا حيث يتم صناعه وتشكيل افضل الكورسات .

الجزء الثالث: Training needs
ويتم فيه دراسه الاحتياجات التدريبية للشركه واو الوظيفه او الفرد ….والحقيقه ان التدريب الى مبنى تحديد الاحتياجات التدريبية بيكون هو الأعلى أثرا والاكثر بصمه فى حياه الناس والمجتمعات .

🧠الجزء الرابع : المحتوى المتفرد جدا The Unique content
المحتوى ..وده الجزء الاصعب ولكنه اكيد اكيد بيطلع متميز ومتفرد جدا ….
قالى ببدأ اشوف ايه القيمه الى عاوز اقدمها للناس …
عاوز الناس ياخدوا قيمة اسمها ايه وياترى القيمه دى هتكون ليها فايده ليهم ؟ والقيمه دى يا ترى بتحل مشاكل او الام للمشاركين اسمها ايه ؟

📋الجزء الخامس : التقييم ..Evaluation
ودى البوابه النهائيه الى المدرب بيعرف فيها انه كان أداؤه متميز ولا لأ ..وهل فعلا قدر يكسب المهارات المطلوبة والمعارف..وبعدين حذرنى فى الاخر بكلمتين دايما بيرنوا فى ودنى :” اوعى تتخدعى بالنهايات السعيده …لان المتدربين ( المشاركين )بيكونوا فى اخر البرنامج لسه تحت تأثير المدرب ….وبالتالى تقييمهم ليه بيكون مش صحيح اوى ..لانه فيه تحيز…والمدرب الى ملوش تأثير مينفعش يكون مدرب .
التقييم الحقيقى ان الهدف التدريبى الأساسى الى تم وضعه بعد درساه الاحتياجات اتحقق …ونعرف انه اتحقق لما الاقى بعد فتره فيه تغيير فى السلوك او الأداء او ان المشكله الى عند الشخص تكون اتحلت نتيجه المهارات الى اكتسبها .

طبعا شكرته جدا جدا لانه بصرف النظر عن الانترفيو وانى اشتغلت معاه بعد كده الا ان اليوم علمنى ان المدرب مهما كان عنده خبره وناجح جدا الا ان ادوات ترتيب افكاره هى “النوت بوك ” فيها أهم مصادر قوته من حيث التفكير والتخطيط والتنفيذو تقييم كمان نتيجه عمله ..
واول ما خرجت من الشركه روحت اشتريت نوت بوك ..وبدات ادون الافكار الى فى دماغى ومن ساعتها والنوت بوك مبتفارقنيش ابدا .

📔وانتم قولوا لى عندكم نوت بوك ؟ طيب يا ترى مقسمينها ازاى وبتكتبوا فيها ايه ؟
#The_Trainer_Notebook
#The_Unique_Trainer_Diploma
#Master_your_Training_Powers
#Creativity. #Unique