الجلوسوفوبيا …..😱
—————-
الخوف رقم 1 فى العالم ..الخوف من مواجهه الجمهور ..
———————————————————
ياترى ايه اكتر حاجه بتخوفك وانت بتقول كلمه أو بتقدم خطاب او عرض تقديمى ؟🗣
طيب ايه هى اهم المخاوف الى ممكن اى مدرب يواجهها قبل واثناء وبعد التدريب ؟؟🤔

📝اخر الابحاث بتقول ان ..رقم 1 هو التحدث امام الجمهور ..من اكبر المخاوف لدى الانسان وفى المركز الثانى بعده علطول الموت ..❗

تخيلوا❗ ..يعنى الانسان عنده خوف التحدث امام الجمهور اكتر من الخوف من الموت …😲 والاسم العلمى للخوف من التحدث أمام الجمهور الجلوسوفوبيا Glossophobia😱

💡طيب يا ترى ليه ؟؟؟ ليه بنخاف نتكلم امام الجمهور ….
ليه فيه ناس ممكن تخاف من الكلام او عرض رساله امام الجمهور اكتر من الموت ؟🤔

🎙وكام مره ممكن يتطلب منك انك تقول كلمة افتتاحيه فى شغلك …وبترفض او بتخاف …
🎙كام مره كان عندك فكره مبدعه وحابب انك تعرضها وكنت خايف انها متلاقيش القبول ؟

🎙عندك رسالة عاوز توصلها للناس وعلم قوى ومش عارف ازاى توصله ؟؟؟
كام مره اجلت احلامك عشان خايف انك تقدم حلمك للناس ..😐.
عندى ليك خبر ..انت مش لوحدك ….👓

كلنا بنخاف ان الناس متتقبلناش …او ترفض التفاعل
بنخاف اننا لما نتكلم منقولش الى عاوزينه ..او ان اسلوبنا او طريقتنا متوصلش الرسالة بصورة صحيحة ؟؟
بنخاف منكونش مؤثرين ….

بنخاف ان المحتوى يكون ممل والناس تزهق …
———————————————–
او ان المحتوى يكون ضعيف او اقل من مستوى الناس الى قدامنا ….
بنخاف نقدم محتوى يتقال عليه نظرى وبعيد عن الواقع الى الناس عايشينه……
بنخاف منكونش مميزين ..وده نوع من الخوف فظيع جدا …بيخلينا بنشوف عيون ووشوش الناس عشان نلاقى فيه االتشجيع واحنا بنتكلم >>>>كأننا بنستنا التصريح الى هيقول نكمل لو عجبناهم او لأ ….

سألت نفسى السؤال ده كتير زمان اول ما دخلت مجال التدرب … هو انا ليه بكون خايفه قبل كل تدريب ؟
لقيت انى عندى انواع مختلفة من الخوف …(كوكتيل فظيع الصراحه 😂 )

🗣️فلقيت مثلا ان فى كل مره بيكون عندى خوف من اللحظات الاولى ..وبكون مترقبة جدا اشوف الحضور واتعرف عليهم …..وبمرور الوقت واكتساب الخبره اكتشفت ان الخوف فى التدريب انواع :

1- خوف صحى Healthy Fears 🏃
——————————————
الخوف الى فى اول لحظات التدريب
الخوف من انك متحققش هدف التدريب وان التدريب ميكونش فعال
الخوف من انك متقدمش القيمه
الخوف من انك متكونش مميز

2- خوف غير صحى Unhealthy Fears 😱
———————————————–
الخوف من الحضور و الانماط الصعبه من المشاركين
الخوف من المنافسه
الخوف من ان الناس متتقبلنيش
الخوف الى بينمط ويخليك شبه كل الناس ….الخوف ال ىبيقولبك …يدخلك فى القالب عشان تبقى زى كل الموجودين بالمعايير التقليديه جدا

بتخاف انك تتكلم او تقدم أفكارك امام الجمهور ؟؟؟؟

طيب ايه نوع الخوف الى عندك من دول ؟؟؟؟

انتظرونا هنتكلم عن انواع الخوف والتدريب وإزاى نقدر نتغلب عليها فى مقالات قادمه  ..