عميل تفصيل …..💇‍♀️
💥 يعنى ايه عميل تفصيل ؟؟؟؟
وإزاى يا ترى عميل التدريب ممكن يبقى تفصيل ؟؟؟
– يعنى عميل متوصف …يعنى معروف عنه معلومات كتيرر زى النوع – السن – الوظيفه -مشاكله – الحاجات الة بيحبها -والحاجات الى بيكرهها – مشاكله – ونوعها وايه منها بيسبب له ألم – مستوى أداؤه -احلامه …وكمان اخد كورسات ايه قبل كده او بيحب ياخد كورسات فى اى مجال …..إلخ .
وكل ما عرفت عن العميل بالذات فى مجال التدريب اكتر ..كل ما كان بالنسبه لك متوصف أفضل .

💥 ولما يبقى عميل تفصيل يا ترى ده هيفيد التدريب فى إيه ؟؟؟
وإزاى لما العميل او المشارك بلغة التدريب يبقى مستهدف ومتوصف صح بينجح ويتحقق هدف التدريب ؟؟؟؟

كل دى أسئله مهمه جدا هنجاوبها فى البوست ده ….
هجاوب على الأسئله دى بداية من خلال حدوته صغيره …بس حقيقية اوى ….

👩‍💼 فى اول ما دخلت فى مجال التدريب وكان كتير من زمايلى كمان كنا بنشتغل اغلب الوقت مدربين فى شركات ومؤسسات Corporate Trainers :::::

,طبعا الشغل فى المؤسسات …ممتع وجميل بس كان دايما مشكلته الرئيسية ان المجموعات بيتم ترشيحها من إدارة التدريب ..او من مديرين الإدارات او احسن الإختيارات هو ان المشاركين يكونوا اختاروا الكورس بنفسهم …..

المشكله دى حصلت معايا مره فى كورس اول ما ابتديت اشتغل فى التدريب ….👩‍💼
ان فى اول التدريب ..لقيت واحد من المشاركين بعد التعارف فى البدايه و عمل ذوبان الثلج (Icebreaker ) :::: وعرض اهداف البرنامج والأجنده، جاى يقولى :
” انا جالى اسم الكورس واخترته بناءا على الاسم بس لما عرضتى الهدف من البرنامج والاجنده ..اكتشفت انه مختلف عن الى انا كنت متوقعه ….”
الكورس ده كان اسمه ” Coaching and Mentoring for Managers “

,طبعا كان كورس مصصم باعلى درجات ومعايير الجودة ..ومبذول فيه مجهود خرافى ….

فطبعا انا اتخضيت ..😳😳
لان الحقيقه دى كانت اول مره اواجه مشارك معترض على Core البرنامج نفسه …ومن اول دقيقه ….
وان حتى اهداف البرنامج مش هيه الى هو عاوزها …
ده كان مؤشر بالنسبه لى لانى هفشل معاه من اول لحظة وانه اكيد هيخرج مش راضى عن البرنامج …😔

فبدات أسأله طيب ممكن أسال حضرتك ايه توقعاتك من البرنامج ؟؟؟
فبدا يحكى ويقولى انا عندى مشكله فى كذا …وكنت متوقع انى اعرف كذا واكتسب المهارات الفلانيه واتغير بالطريقة كذا ….كتبت وراه الى قاله كله …🗣
وكان كمان اقترح عليه انى استخدم واحد من الافلام المشهوره ..الى ممكن تساعد اكتر فى فهم وتطبيق البرنامج …

رديت عليه وقلت له …طيب رغم ان ده مستوى اعلى من الكورس ده ..بس انا يسعدنى انى اضيف توقعاتك فى البرنامج …بس هستاذنك اننا نخلص الاساس الاول عشان نقدر نطلع للمستوى الاعلى …

وفعلا عملت كده ؟؟؟؟ حاولت انى اقلل فى الاساسيات وانى اخلى فيها الممارسه والتطبيق اعلى عشان اضمن اكتساب المهاره واقدر اتقدم للمستوى المرتفع الى هو كان عاوزه …
وكمان طبقت اقتراحه بالدراسه من خلال الفيلم وطلبت كمان منه مساعدتى فى انى اقطع الفيلم على حسب الحالات …واننا نعرضها ونعمل تحليل للمواقف وأزاى الكوتش عرف يتعامل معاها ….

💥والبرنامج ده رغم انى اتخضيت فيه جدا فى الاول …إلا انى اتعلمت منه حاجتين مهمين جدا …
**********************************************************************************
1- انى اهتم جدا بإحتياجات وتوقعات المشاركين ….
التدريب من الخدمات الى التركيز فيها على العميل وإحتياجاته وتوقعاته هى الأساس
لان الخدمه كلها بتبدى وتنتهى عند العميل ….فحتى لو العميل كان عنده توقعات مختلفه فى البرنامج فلازم اكون مرنه وحريصه جدا انى البى اكبر قدر ممكن من التوقعات دى .

2- ان كل ما كان العميل المستهدف من البرنامج ..متوصف وواضح وفعلا هو جاى يحضر وهو عارف ايه الهدف من البرنامج والاجنده وهم المخرجات والقيمه الى هياخدها من البرنامج كل ما كان التدريب انجح واكتر فاعليه …لان ببساطه التدريب او الكورسات هيه الى بتتفصل على العملاء …مش العميل هو الى بيتفصل على مقاس الكورس .

لكن انا بدرس بقه كويس جدا واعرف مقاسات عميلى ….
عشان اعرف افصل الكورس الى يلبى إحتياجاته التدريبية وتوقعاته …🧠🧠

يعنى مثلا اعرف عن العميل …🙋‍♂️🙋‍♀️
تفاصيل زى ..المرحلة السنيه ..الوظيفه ..الدرجه الإدارية ان وجدت …
ست ولا راجل ..ايه اهم اهتماماته …ايه اهم المشكلات الى بيواججها …وازاى بتمثل ضغط عليه …
واهم حاجه فى مشاكل أداؤه سواء فى الحياه عامة او فى العمل …
وايه اهم مسببات مشكلات الاداء الى ممكن تكون بتمثل له ألم Pain ::::
,وأبدأ افكر إزاى اقدر أفصل برنامج تدريبى متكامل يحل مشكلات الاداء ويزيل الألم ….

🕵️‍♂️🕵️‍♂️خد مقاسات عميل التدريب ..وفصل عليه الكورس الى يناسب إحتياجاته التدريبية ويقابل توقعاته ….
واوعى تفتكر ان البرنامج مهما كان مصمم من اعظم الجامعات او المؤسسات انه بالضرورة ينول رضا المشاركين

..إلا إذا حقيقى كان احتياج عندهم او قصور فى الاداء …او حقيقى على مقاسهم ..
عشان كده التميز والتفرد فى التدريب مش اختيار …لان كل واحد ليه احتياجات ومستنى الكورس الى على مقاسه ….😉
#عميل_تفصيل
#كورس_على_مقاسك
#تدريب_مميز_مبدع #The_Unique_Trainer
#Quality_in_Training
#Sara_helal_Master_your_Powers
#Inspire_the_World