ونبدا بقه فى انواع الخوف الغير صحى ….
واول نوع هو الخوف من المشاركين …الانماط الصعبه منهم …

الحضور والناس عامة انواع ..والناس الصعبه فى التدريب حاجه موجوده فعلا …
فطبيعى جدا انك فى كل مره تدريبية هتشوف اشكال والوان من البشر …

فيهم الاجتماعى ..و فيهم الى مش اجتماعى ..فيهم الى عنده شغف العلم والتعلم وفيهم الى جاى عشان يتعلم يحل مشكله او عشان يطور نفسه ..وفيهم الى نفسه يتخصص ويبقى خبير ..

فيهم الساكت …فيهم الرغاى ..فيهم شخصيه ابوالعريف وفيهم الى بيحب المشاركه البناءه …فيهم الى بيستخف بكلام المدرب وكلام المشاركين …وفيهم المجامل …وفيهم المتفاعل جدا ….وفيهم ناس حلوة كتير حابه تتغير وتطور حياتها ….

وفيهم كمان انواع مختلفه …من حيث نمط التعلم ..يعنى كل واحد منهم ليه طريقه او اسلوب معين يتعلم بيه بصوره افضل …
مثلا المشارك البصرى 👁️👀
والمشارك السمعى 👂
والمشارك الحركى 👣👣

وكل واحد منهم بيتفاعل وعقله بينجذب لأدوات معينه فى التدريب تناسب نمط التعلم بتاعه .
فإختلاف المشاركين …مش معناه انهم نمط صعب …

🧠طيب مين هما الانماط الصعبه من المشاركين ؟؟؟
هما المشاركين الى سلوكياتهم وردود افعالهم اثناء الكورس ممكن تمنعنا من تحقيق هدف التدريب ….
وده طبعا مش بيحصل مع المدربين المحترفين ….

الحقيقه ان الخوف من اختلاف المشاركين على قد ما هو حقيقى وواقعى اوى لان طبعا وارد انك تقابل انماط من الناس مش سهل التعامل معاها ولا إرضائها او حتى انك تكسبها وتؤثر فيها فى خلال فتره البرنامج .

ووارد انك تقابل ناس جميله جدا تقدر تشتغل معاها من قلبك فعلا ويكون فيه تناغم يساعد التعلم واكتساب المهارات والخبرات .
مينفعش ان النوع ده من الخوف يكون متحكم فيك فى كل كورس تدريبى هتقدمه …لان ببساطه انت لو خفت من الانماط الصعبه …هتفترض دايما انك مش هتعرف تتعامل معاهم ..لا تتواصل ولا تؤثر فيهم …
فالنتيجه الطبيعيه انك هتفشل معاهم ..
طيب ..نعمل ايه ..فى النوع المضر ده من الخوف ….

الحقيقه احنا هنا محتاجين نشتغل على حاجتين مهمين جدا

1- المرونه Be Flexible :🧠
************************************************
خليك مرن ومنفتح ..تقبل الاختلاف والتباين فى الناس الى بتحضر معاك وبتقابلها …وحاول انك بدل ما تعتبر بعض الناس وطباعهم انه صعبيين..انك تتاكد انهم مختلفين بس …
كل واحد ليه ” أفضليات ” .. ومهم جدا فى الكورسات انى اعرف افضل طرق ووسائل التعلم الى بتناسب كل نمط ..واكون مرنه فى التعامل معاها والتنوع بين الوسائل عشان اضمن انى اقدر اجذب العقول الى امامى ويكون فيه استمتاع فى التعلم وده بيسهل كتير إكتساب المهارات .

2- الابداع Creativity :
************************************************
إقتل الملل …
اكتر الوسائل جذبا للانتباه وافضلها فى التعلم ..هى الابداع ….
Creativity is king ….
الابهار …عشان كده ببساطه احنا بننجذب للافلام اكتر من الفيديوهات التقليديه ..والفيديوهات اكتر من الحاجات الاوديو ..والاتنين اكتر من مجرد الكلام العادى …والمشاركه والأسئله تجذب الإنتباه ..اكتر بكتير من نظام المحاضره …وهكذا …

والقاعده هنا هى :” كل ما نجحت انى اشغل اكبر قدر ممكن من الحواس معايا فى ورش عمل والعاب تدريبيه ✍️…كل ما كانت نسبه الاستمتاع فى التدريب اكتر وكل ما كان التعلم افضل ونسبه التذكر واكتساب المهارات اعلى “

وهنتكلم فى البوست الى جاى عن الانماط المختلفه من المشاركين فى الكورسات وازاى نتعامل معاهم …
تابعونا …🧠
#sara_helal_Master_your_Powers
#The_Unique_Trainer_Diploma
#TOT. #Uniqueness. #Creativity
#Self_leadership #Presentation_Skills
#Motivational_Speaking