ياترى احنا ليه مش بنهتم بإختياراتنا وبنهتم بس بقراراتنا؟؟؟

ليه دايما كأنثى قراراتك واختياراتك بيتحكم فيها حاجات كتيره اوى اوى ….إلا نفسك …
إلا احلامك ورغباتك الحقيقية ….
قرارتنا دايما بيتحكم فيها مصلحة الأولاد ..الزوج …الاسره …العائله …
ابويا وامى …دائما فى اولوياتى قبل اى قرار …
اصدقائى وصديقانى الى بحبهم ..بحطهم فى حسابى فى اى قرار ….
زميلاتى ……الشكل الاجتماعى ..وكلام الناس ….إلخ …

👀 أخدتى بالك احنا حبسنا نفسنا فى كام صندوق عشان نختار او ناخد قرار ؟؟؟؟📦📦📦

📦 طيب اخدتى بالك ان ولا صندوق من دول بتاعك انت …
ولا صندوق منهم يخصك …يخص مشاعرك انت …احلامك انت …..
خيالك انت …حتى عقلك انت ….
سعادتك انت حتكون فين فى ده كله ….

طيب ..أتسألت سؤال مباشر : “هو انت ليه بتقولى ان احنا اكبر مشاكلنا كبنات وستات هى القرار …
لان القرار هو ترجمة عقليتك واسلوب تفكيرك …منهجك فى الحياة ….

الصراع الأبدى الى جواكى …عقلك المفكر ولا عقلك العاطفى …مين فيهم الى حيكسب ؟؟؟ ❤❤
انت محتاجه العقلين لكن ….
مينفعش تعيشى بقلب بيحب كل الناس إلا انت ….
ولا عقل مهتم وبيفكر فى كل الناس إلا انت …….
مينفعش يكون كل قرار وكل اختيار بيخدم …ويسعد قلوب ناس تانيه كتير إلا انت ….

انت ليه مش شايفه نفسك …ليه مش حساها …طيب ليه مش سامعه نداها ….
ايوى هيه بتنده عليكى وبتقولك انا هنا ….انا موجودة …..
وصوتها جواكى بيرن …بتقولك حررينى لانى عاوزه اعيش …
عاوزه اتنفس …اجرب …عاوزاكى تعملى لها زى ما بتعملى لكل الى حواليكى ….
عاوزاكى تحطيها أولوية ….

🔖 ممكن تحطى نفسك أولوية ….
ممكن تاخدى نفسك فى قاعدة كده حلوة وتقعدوا تتكلموا …..
من فضلك اسمعيها ….وحسيها …🗣🗣
متقاطعيهاش ….
حتلاقيها عندها كلام كتير جدا يتقال …
كلام كتير يتحس …واكتر حد حيحس بيه انت ….

🗣 واسمحولى احكى حدوته قصيره …بس علمتنى كتير …
فى مره وانا فى واحد من الكورسات بتاعتى ..كان معايا مجموعه عظيمة من المشاركات وكانوا بالصدفه كلهم بنات وسيدات ….
وفى بداية التدريب بدات بالتعارف وذوبان الثلج ….
وكانت اللعبه بسيطة …كل واحده تمدد ايدها وتسحب كارت …
اول ما تسحب الكارت..تعرفنا بنفسها وترد على السؤال الى فى الكارت …..
وكلها اسئله طبعا من الى بتقييس حاجات عظيمة جوه نفس كل واحده فينا …
فواحده من المشاركات كانت تقريبا فى اواخر الاربعينات …
بدات ..قرات السؤال :” هل انت راضيه عما انجزتيه فى حياتك إلى الان ؟”
فردت الحقيقة رد …كان بدايه لسلسله من الشكاوى والاوجاع لعدد كبير من المشاركات …
قالت :”انا متاكده ان اجابتى كانت حتكون بنعم ..لو انا فعلا عشت حياتى …لكن الى عدى من عمرى ده مش حياتى انا …دى حياه انا عشتها بس عشان اللى حواليا ولسه مشفتش حياتى انا …”
فقلت لها : قصدك ايه
قالت لى : قصدى انى دايما …وكل يوم وكل ثانيه كنت بعيش عشان حاجه اوسبب كان دايما بيكون مش ليه …
يعنى وانا صغيره ..بكون مؤديه واعمل الصح عشان بابا وماما يتبسطوا منى ..
كبرت شوية وبعدين بيقيت بنجح فى المدرسة عشان ماما وبابا والمجتمع يتبسط منى …
بلعب الالعاب المسموحه عشان الى حواليا يتبسطوا منى …
اخدت قرارات دراستى وحياتى ..عشان حد دايما ..دايما عقلى كان مركز على ارضاء حد معين او اكتر او الناس الى حواليا وعمرى ما فكرت ارضى نفسى او اشوف انا عاوزه ايه او بحب ايه …
ومشيت حياتى كده …من ارضاء اهلى …
لإرضاء المجتمع …
لإرضاء زوجى …
لإرضاء اولادى …..وهكذا …
لحد ما لقيت نفسى عشت قد ما عشت ..ومعشتش حياتى انا ….

ردت احدى المشاركات : بس انت ماشاء الله ناجحه فى شغلك واولادك ماشاء الله ناجحين
ردت وقالت : ايوى بس مفيش طعم ولا معنى للنجاح ده …لانه اختيار مش بتاعى …
انا الى اخدته اه بس مش ليه ….

من يوم الكورس ده ومن يوم ما قابلت الست دى وانا قررت ان الموضوع ده فى حياتى حيكون اولويه …
كمية الحزن …كمية عدم الرضا الى فى صوتها وعينيها وحتى دموعها
حجم الأحباط الى فى كلامها ..حجم عدم الأشباع والتقدير الذاتى …
حجم الطاقة والحرية الى جواها …والاحلام الكتيره والكببيره الى اتحبست سنين
اتحبست تحت الف مسمى ومسمى ..تحت الف سبب وسبب …
وفضلت تأجل فى احلامها ..وفضلت تأجل فى اشباع ذاتها …..
وفضلت تأجل وتأجل …وتحبس نبض حياتها لحد ما تاه منها ….
وطبعا جه سؤالى من غير قصد على الوجع …
كلامها ودموعها ..هزتنى جدا وخلتنى حاسه انى عاوزه اساعد كل بنت …
وكل ست …انها تعيش حياتها هى قبل ما تتسرق منها …..

انها تعرف الاختيار الى بتختاره ده ….اختيارها هيه ….ولا اختيار الاهل ولا الزوج ولا المجتمع ….من جواها …وهيه بتخدع نفسها وفكراه قرارها هيه ؟؟؟
عاوزاها تعرف ايه الدوافع وراء قرارتها ؟؟؟؟
وهل هيه فى حياتها اولوية ولا لأ ؟؟؟؟
عاوزاها تعرف ايه الى حابسها ؟؟؟ وليه القيود العقلية دى حابساها وتتخلص منها ؟

عاوزه كل واحده تعرف ان زى ما فيه عيوب فى طريقة تفكيرنا ومشاعرنا …فيه كمان قدرات ومواطن قوى عندنا لو اتعلمنا ازاى نستخدمها ونستثمرها حتحقق لنا كل النجاح والتقدير والرضا الذاتى الى حيملى قلبك وعقلك وروحك وحيخليكى تعيشى اسعد …

دى قصة الكورس ده ..لانه حقيقى جه من الواقع العملى بتاع كل ست …
مش كلام نظرى ولا كلام كتب …
والحلول الى فيه والمهارات الى حنتعلمها هيه مهارات معرفه ذاتيه وممارسه …

محتاجين نتعلم ناخد قرارت …قرارك انت …

محتاجين نتعلم اننا نحط اولوياتنا صح …وده محتاج قرار ….
محتاجين نتعلم اننا نفهم نفسنا كويس ونعرف احنا محتاجين ايه …وده محتاج قرار ….
محتاجين نعرف مواطن قوتنا ونعرف نحول حياتنا لملعب القوى بتاعنا …وده بردوا محتاج قرار …..
محتاجين نعرف ايه مصادر سعادتنا ….وحتى السعاده قرار …
شوفتى بقه احنا ليه محتاجين نتعلم اكتر عن نفسنا ونتعلم ازاى ناخد قرار ……

طيب والاختيار ….
اختياراتك هى كل القرارات الصغيره الى بتاخديها طول اليوم ..بس بتشكل جزء من واقعك
وتقريبا شكل مستقبلك كله ….
قوليلى كده انت بتقضى وقتك ازاى …ايه اختياراتك وافضلياتك اليوميه ….
وانا اقولك شكل حياتك كمان 10 سنين حيكون ازاى ….
البذور الى زرعتيها انهارده ….حتطرح ايه
حيطرح فى نفس الارض مش ارض تانيه بعد سنين ……
يعنى ازرعى فى ارضك وفى ارض غيرك …
اوعى تزرعى فى ارض غيرك …وبعد سنين تلاقى ارضك بور …

🌱🌱ازرعى فيها وارعيها ..عشان كمان سنين تهديكى محصول خير وهناء وسعادة …
ازرعى فيها عشان تهديكى مش مجرد عمر …عشان تهديكى حياة ….🌷🌷

شاركينا الورشة الجايه والكورس : اوعى يفوتك …واسرقى لنفسك من الدنيا …حياة


#أنت_الحياه
#قرارك_إختيارك_ساره_هلال
#حياه_بجد_مش_كده_وكده
#قوتك_الحقيقة_ساره_هلال
#Your_Real_Power_Sara_Helal
#Master_your_Pink_Powers_
#Sara_Helal_Master_Your_Pink_Powers
#Powers #Decisions #Choices #Priorities
#Empowering_Women